Lista Europea de Residuos (LER)

¿Que é a lista europea de residuos?

É unha ferramenta de xestión que, mediante una sistema de lista única, especifica as substancias que poden ser residuo e cales deben ser consideradas residuos perigosos.

A lista está estructurada en 20 capítulos que se corresponden con outros tantos tipos de actividades xenéricas xeradoras de residuos. Cada capítulo, á súa vez, divídese en subcapítulos, que se corresponden con procesos xerais que poden darse na actividade. Para cada subcapítulo indícanse as substancias que poden ser residuo.

¿Como se identifica un residuo perigoso na lista europea de residuos?

Considéranse residuos perigosos os que aparecen na lista europea de residuos sinalados cun asterisco (*).

A este criterio xeral hai que aplicarlle a seguinte consideración:

Para as características de perigosidade H3 a H8, H10 e H11, a partir das que se consideran perigosos, indícanse no anexo 2 da Orde MAM/304/2002, a cualificación destas caracteristicas asignarase conforme os criterios establecidos no RD 363/1995 do 10 de marzo

SUBSTANCIA CLASIFICADA	CONCENTRACIÓN (Porcentaxe en peso)
Moi tóxicas	0,1 por 100
Tóxicas	3 por 100
Nocivas	25 por 100
Corrosivas (R35)	1 por 100
Corrosivas (R34)	5 por 100
Irritantes (R41)	10 por 100
Irritantes (R36, R37 ou R38)	20 por 100
Canceríxeno de categoría 1 ou 2	0,1 por 100
Canceríxeno de categoría 3	1 por 100
Tóxico para a reproducción da categoría 1 ou 2 (R60 ou R61)	0,5 por 100
Tóxico para a reproducción da categoría 3 (R62 ou R63)	5 por 100
Mutaxénica da categoría 1 ou 2 (R46)	0,1 por 100
Mutaxénica da categoría 3 (R40)	1 por 100

Se a perigosidade das substancias corresponde a calquera das outras características de perigosidade (H1, H2, H9, H12 a H14), independentemente da cantidade de tales substancias, o residuo deberase xestionar como residuo perigoso.

¿Como se asigna un código da lista a un residuo?

Os pasos a seguir para asignar un código da lista a un residuo son os seguintes:

1. Localizar a actividade que xera o residuo nos capítulos 01 a 12 ou 17 a 20.
2. Buscar o código apropiado para o residuo na relación de residuos da actividade, excluídos os códigos 99 dos ditos capítulos.
3. Se non se atopa ningún código apropiado nos 01 a 12 ou 17 a 20, consultaranse os capítulos 13, 14 e 15.
4. Se o residuo non se atopa en ningún destes capítulos, buscarase no 16.
5. Se tampouco se atopa no capítulo 16, deberase empregar o código 99 no subcapítulo que corresponde á actividade identificada no primeiro paso.