A Consellería de Medio Ambiente e Desenvolvemento Sostible está a ultimar o borrador da nova Lei de Protección e Benestar Animal de Galicia, que ampliará os dereitos dos animais, incidindo na concienciación dos seus propietarios e incrementando as sancións por casos de maltrato ou abandono. Así o anunciou hoxe o conselleiro de Medio Ambiente, Manuel Vázquez, no acto celebrado no Colexio Oficial de Veterinarios de Ourense para conmemorar a festividade de San Francisco de Asís.
O conselleiro destacou que a nova lexislación, que substitúe a Lei 1/93 de Protección de Animais Domésticos e Salvaxes en Catividade, “terá como base a progresiva concienciación a prol do benestar dos animais”, e sinalou que este proxecto adáptase “ás esixencias da sociedade do século XXI, que non concibe o maltrato nin a indiferencia cos animais”. Así, a nova normativa tentará acadar unha eficaz regulación das medidas preventivas no caso de maltrato a animais, así como redefinir a tipoloxía das infraccións e a ampliar as sancións.
O conselleiro aproveitou a súa presenza no Colexio Oficial de Veterinarios de Ourense para animar a colectivos como este a colaborar na elaboración do borrador da nova lei, no que está a traballar a Dirección Xeral de Conservación da Natureza.
A Consellería de Medio Ambiente investiu nos últimos anos preto de 500.000 euros en medidas destinadas á protección animal, entre elas a creación de novos centros de acollida e a mellora dos existentes, ademais de establecer diversos convenios de colaboración con fundacións e asociacións protectoras de animais, co obxectivo de dar resposta “ao grave problema que supón que se liberen de xeito irresponsable miles de cans cada ano”, segundo sinalou Manuel Vázquez. a traballar a Dirección Xeral de Conservación da Natureza.
Ampliación Rede Natura
A Consellería de Medio Ambiente tamén colabora no desenvolvemento do curso “O papel dos sistemas silvopastorís na conservación do medio<
|
Consellería de Medio Ambiente, Territorio e Infraestruturas
Gabinete de Comunicación
prensa.cma@xunta.es
|
