Emisións totáis

As emisións totais de GEI en Galicia acadaron un valor de 34,59 Mt CO2eq no ano 2006. Isto significa un ascenso do 20,6% con respecto ao ano base4. Para o mesmo período, as emisións contabilizadas en España incrementáronse nun 49,5%. [F 5]

A maior contribución ás emisións totais corresponde ás industrias do sector enerxético5 (14,43 Mt CO2eq), seguido do transporte (6,93 Mt CO2eq) e das emisión procedentes da industria6 (6,26 Mt CO2eq).

A contribución relativa de cada un dos sectores variou substancialmente ao longo do período 1990–2006. Así, pódese apreciar un aumento importante do peso do sector transporte, no conxunto das emisións, do 11,8% ao 20% durante o antedito período e un notable descenso da porcentaxe do sector enerxético, do 50,7% ao 41,7%, tal e como se observa na táboa 6 [F 6]

4 | Segundo o Protocolo de Kioto, a diminución do CO2, CH4, e N2O medirase tomando como ano base o ano 1990 e para os SF6, PFCs, HFCs tomarase o ano 1995 como ano base.
5 | As emisións das plantas de combustión, turbinas de gas e de fornos de procesos das plantas de refinado de petróleo inclúense dentro deste sector.
6 | As emisións do sector da industria comprenden as emisións de combustión dos procesos industriais, as emisións procedentes dos procesos industriais onde non se produce combustión, as emisións fuxitivas doscombustibles e as debidas ao uso de disolventes e outros produtos.