¿Que é o cambio climático?
O cambio climático é, sen dúbida, o maior problema medioambiental ao que se enfronta a humanidade en toda a súa historia.
A causa do Cambio Climático débese ao aumento da concentración de gases de efecto invernadoiro na atmosfera, principalmente, o CO2, que acontece dende a Revolución Industrial.
As actividades humanas son a principal causa das emisións de gases de efecto invernadoiro (GEI).
Fronte ao Cambio Climático … URXE UN CAMBIO.
Necesitamos un cambio urxente nas actividades humanas para reducir as emisións de gases de efecto invernadoiro. Reducindo as emisións podemos mitigar os efectos do cambio climático e así garantir o futuro do planeta. Todos debemos realizar un esforzo: os gobernos, as empresas, os colectivos sociais e cada un dos cidadáns.
Son numerosas as actuacións que resultan necesarias para afrontar os retos que supón o fenómeno do cambio climático e neste senso, son moitas as iniciativas que, a nivel global, estanse levando a cabo. Relevancia teñen aquelas promocionadas polas institucións públicas na medida en que estas han de servir como exemplo para a cidadanía e liderar a reducción de emisións.
A Xunta de Galicia realizou unha serie de investigacións no marco do proxecto “Análise das Evidencias e Impactos do Cambio Climático en Galicia”, que recolle as evidencias do cambio climático en Galicia e os posibles impactos que este fenómeno pode causar. É a Secretaría Xeral de Calidade e Avaliación Ambiental o órgano competente sobre as cuestións relativas ao cambio climático na Comunidade Autónoma de Galicia, encargándose da aplicación do réxime de comercio de dereitos de emisión de gases de efecto invernadoiro, da elaboración de inventarios de emisións, das guías de adaptación ao cambio climático e dos programas de redución de emisións, así como, da formación e educación dos cidadáns nesta materia.
Ampliación do prazo de solicitude de obradoiros SOStendo e a exposición O noso mundo, o noso futuro, a nosa opción 
