ORDEN DE 3 DE MARZO DE 1999, por la que se aprueban determinados modelos a los que se refiere el Reglamento de Desarrollo Legislativo del Capítulo IV de la Lei 8/1993, reguladora de la Administración Hidráulica, relativo al. Canon de Saneamiento (DOG Nº52, 16.03.99)

Polo Decreto 8/1999, do 21 de xaneiro, apróbase o Regulamento de desenvolvemento lexislativo do capítulo IV da Lei 8/1993, reguladora da Administración hidráulica, relativo ó canon de saneamento. A disposición derradeira primeira do devandito regulamento faculta o conselleiro de Política Territorial, Obras Públicas e Vivenda para dicta-las normas necesarias para o seu desenvolvemento. Na súa virtude,

DISPOÑO:
Artigo único.-Apróbanse os modelos a que fan referencia os artigos 16.1º, 2º, 3º, 4º e 5º do Regulamento de desenvolvemento lexislativo do capítulo IV da Lei 8/1993, reguladora da Administración hidráulica, relativo ó canon de saneamento, que figuran como anexos I, II, III, IV, V e VI desta orde:

Anexo I: «Modelo de autoliquidación».
Anexo II: «Modelo de resumo anual».
Anexo III: «Modelo de declaración de facturación».
Anexo IV: «Modelo de xustificación de recibos sen pagar».
Anexo V: «Modelo de relación de pagamento de cantidades xustificadas».
Anexo VI: «Modelo de autoliquidación da débeda líquida».
Disposicións derradeiras
Primeira.-Queda derrogada a Orde do 9 de maio de 1996 pola que se aproban determinados modelos ós que se refire o Regulamento de desenvolvemento lexislativo do capítulo IV da Lei 8/1993, reguladora da Administración hidráulica, relativo ó canon de saneamento.

Segunda.-A presente orde entrará en vigor o mesmo día ó da súa publicación no Diario Oficial de Galicia.

Santiago de Compostela, 3 de marzo de 1999.
José Cuíña Crespo
Conselleiro de Política Territorial, Obras Públicas
e Vivenda