Esta pequena guía pretende achega-los visitantes desta aula da natureza a todos aqueles aspectos naturais, culturais e patrimoniais que fan deste contorno un espazo para aprender a conserva-lo noso patrimonio. Os itinerarios organízanse arredor de paradas relativas a aspectos do medio natural, etnográfico e cultural que, pola súa peculiaridade, valor ou singularidade, merecen ser destacados. As paradas que se realizan ó longo do percorrido encóntranse convenientemente sinalizadas cos seus respectivos postes indicadores, así como os desvíos e direccións que se deben seguir durante o noso percorrido.